• English
  • العربية

کشانەوەی هێزەکانی ئەمەریکا لە سوریا ؛هەوڵێکی دیکەی فریودانی ئەنقەرە

12/20/2018 11:22:00 PM

- روفیز حافزئۆغلو

راگەیاندنی کشانەوەی هێزەکانی ئەمەریکا لە ناوچەکانی باکوری سوریا لەلایەن دۆناڵد ترەمپەوە، وەک سەرکەوتنێکی گەورە دەبینرا ئەوەش لە سەروبەندی ئامادەکارییەکانی سوپای ئەرتەشی تورکیا بۆ ئەنجامدانی هێرشی سەربازی بۆ سەر چەکدارانی پەیەدە و یەپەگە لە سوریا.

ژمارەیەک لە شیکارە سیاسیەکانی تورکیا، ئەو بڕیارەی ئەمەریکایان وەک فشاری سیاسی تورکیا بۆ سەر واشنتن لێکدابوەوە، بێگومان کشانەوەی هێزەکانی ئەمەریکا لە باکوری سوریا ئۆپەراسیۆنە سەربازییەکانی ئارتەشی تورکیا بۆ سەر چەکدارانی یەپەگە و پەیەدە ئاسان دەکات، بەڵام جارێ زووە بڕیاری سەرکەوتن بدەین.

بڕیاری کشانەوەی سوپای ئەمەریکا بە مانای ئەوە نایەت، ئەمەریکا ئەو چەک و یارمەتییە سەربازیانەی کە پێشتر دابوی بە یەپەگە و پەیەدە ئیتر لێیان وەردەگرێتەوە.

لە رابردوودا، دەسەڵاتدارانی ئەمەریکا بە بەردەوام بەڵێنیان بە ئەنقەرە داوە کە هەر لەگەڵ کۆتایی هاتنی شەڕی دژی داعش لە سوریا، ئەوا بەزویی ئەو چەک و یارمەتییە سەربازیانەی بە  "یەپەگە و پەیەدە"یانداوە لێیان وەردەگرنەوە، ئەنقەرە هەمیشە بەگومان بوە لەو بەڵێنانە؛ ئەگەرێکی بەهێز هەیە کە ئەویش ئەوەیە تەنانەت دوای کشاندنەوەی هێزەکانیشی لە باکوری سوریا ئەوا چەکەکانی لە یەپەگە وەرناگرێتەوە.

ئەوە بە روونی دیارە کە باوەڕکردن بەوەی "ئەمەریکا وا بە ئاسانی هێزەکانی لە سوریا دەکشێنێەوە" شتێکی نا ئاقڵانەیە، کە پێشتر پلانی داناوە سوریا وەک پردێکی پەڕینەوە دابنێت بۆ لێدانی ئێران، بەتایبەت بە رەچاوگرتنی ئەو راستیەی کە کشناوەی هێزەکانی ئەمەریکا لە سوریا بە راستەخۆیی پێگەی تورکیا و ئێران و روسیا لە ناوچەکەدا بەهێز دەکات ئەوەش لە دژی بەرژەوەندیەکانی واشنتنە.

لەگەڵ هەموو ئەمانەشدا، هێزەکانی سوپا فەرەنسا، کە ئەگەرچی ژمارە و قەبارەشیان بچوک بێت هێشتا لەناوخاکی باکوری سوریادان.

دەبێت ئەو راستیەشمان لە پێش چاوبێت، کە بە حاسب کردن بۆ هەموو ئەو ئەگەر و راستیانەی کە لەسەرەوە ئاماژەم پێدا، رەنگە کشانەوەی سوپای ئەمەریکا لە باکوری سوریا بۆ دواخستنی ئۆپەراسیۆنەکانی تورکیا بێت بۆ سەر یەپەگە و پەیەدە، بەوەی ئەمەریکا  فشار بخاتە سەر تورکیا کە هەتا کاتی کشانەوەی هێزەکانی ئەمەریکا هیرشەکای بۆ سەر یەپەگە و پەیەدا رابگرێت.